Elin Már Øyen Vister: Alt går bra
Samarbeidet mellom elevane frå Media og kommunikasjon og Elin Vister held fram hausten 2017 med ein radioworkshop over tre dagar. Dette resulterte i live radiosendingar under tittelen «Let's Talk About Climate Justice Baby» og fokus på klimautfordringane. Den andre inviterte kunstnaren hausten 2017 var Agnes Nedregård . Som del av kunstnergruppa Alt går bra inviterte ho til «Gjengangere», ein debatt og performance-parade for kunstens vilkår. Med utgangspunkt i Ibsens tankevekkende teaterstykke tok debatten opp kva rolle utdanning, kunst, handverk og arkitektur kan ha i dagens samfunn. Paraden, med medlemmar av Markens bataljon i spissen, starta frå KODE, kunstmuseet i Bergen, og endte med ein appell utanfor Amalie Skram vgs.
